Über Mi

I bin d Marion Ramsauer, geborene Stadler. I kimm ursprünglich aus der Ortschaft Hofkircha im scheena Niederbayern. Jetzt aus Penk bei Bayerbach.

Ogfangt hod ois mit de Masskruagbandln.

Die Idee zu de Herzerl is ma am Volksfest kemma.

Am Disch mind. 8 Mass, man danzt auf da Bierbeng, man muas moi zum Bisln ause. Wenn ma zruck kimmd woas ma nie, welche Mass oam selber kerd. Noch fui vertauschtn Mass´n hob i mei Bier dann mit am Haargummi am Henkl markiert.

Oba gfoin hod ma des ned grod.

Drum hob i bissi rumtüftlt und des erste Masskruagbandl entworfen.

Z erste Bandl war no mit am Filzherzl vo ana oidn Kettn.

Z Ketterl entfernt, und z Herzerl aufs selbergnahte Bandl aufgnaht und schon wars fertig, z erste Masskruagbandl.

Nochdem mi dann fui auf des Bandl ogred ham hob i beschlossn, selber Herzerl aus „Fimo“ zum mocha und damit Kettn und Masskruagbandln für meine Freind und mei Familie zum herstellen.

Immer wieder hob i de Bandln und Herzerl obgeändert bis für mi perfekt warn.

Im Mai 2015 hod d Landjugend vo meim Heimatdorf Fahnaweih kapt. Do hob i dann olle Deandla mit „KLJB Hofkirchen“ Ketterl ausgstattet.

Danoch hab i dann fui Anfragen und Komplimente zu dene Herzerl griagt, so dass i beschlossn hob a Kleingewerbe für meine Kreationen ozummelden.

Zusätzlich zu de Fimo-Herzerl moch i a no Anstecknodln mit Hoizherzerl oder beschriftete Wäscheklipperl.

Außerdem kinnts Beschriftungen mit Acrylfarb und Brandgravur z. B. vo Schütznscheiben oder Türschuidl oder sonstige Hoizsachan möglich.

Es kemman immer wieder neie Ideen und dadurch a neie Produkte dazua.

Schauts eich einfach moi um, vielleicht is ja für eich wos Passends dabei.

I gfrei mi über jede Bestellung. Wenns ihr irgendwelche bsondern Ideen habts kemmts einfach auf mi zua.

Jeds Produkt wird vo Hand mit individuellem Text gfertigt. Fertige Artikel hob i nur begrenzt auf Lager.

Aktuelle Infos und Buidln finds auf www.facebook.com/herzerlmadl

Über uns